CERPEN BAHASA MADURA

NABHANG DHUNNYA

Panassa are sanonto ampon depa’ ka konco’na, amargha ngello’ da’ kole’ rassa e pangghang. Benni ghampang odhi’ e polo Madura bila ampo nemor panas ta’ kapra , tape manabi nembhere’, tana cellot  rekka’ dha’ sandhal, nalpet dha’ soko, malarat se ajalana. Tana sekerreng malarat odhi’ butosmbuwen kadhi rambutan, durin, apel, terros semacemmah. Bhadi jugan malarat se tombuwe, angeng namong coma  ka tana saba se e Madura se ta’ lebar.

            Odi’na sadriman ban binina sanonto ngalami kamalaratan, amarga tani jaghungah se kene’warnana pote otabe rosak.polana sobung ojan sakale, amarrghe nemor ce’  sarana. Odi’na sadriman tamba are tambe malarat, sabban arena gun coma ju’toju’ sobung lakona amarga nemor kalakoan ce, malaratta.

“le’ engko’ alakowa ka kotta’’ ocakna  sadriman ka binina

‘‘engkok ngabes tatangga bannya’ se sukses alako ka kotta.” Teros sadriman. Binina lantas ngoca’ ‘’diggal ka’, ttak usa ngabas oreng laen sookkor napa benena, pola neka paparenga se kobessa” oca’ santini; binina alarang sadriman alako ka kotta

            Tamba are tamba panas amarga nemor ce’abitta. Tana tor butombuwan bennya’ se mate. Manabi mon musim nemor oreng-oreng tane padha malarat sataja, amarga ta’ bias namen butombuwan se bias ngasellagi tor magampang dha’ odi’na, tape laen pole oreng se odi’ e penggir tase’ sanajan orenga alako daddhi oreng majang, kalaban nyare jhuko. Emusim nemor daddhi rajake, oreng se odi’ epenggir tase’

***

            Ka odi’na sadriman sareng binina atamba nyangsara,amarga tatangga se alako ka kotta sabban arena tamba senneng odi’na

Sadriman molae gella’ ta’ nyaman neng-neng, ngabas tatangga pon la pdha sogi sataja. Sa ampona  sadriman ker mekker aba’na kotu alako ka kotta sopaja odi’na ta’ nyangsara

Tana se kerreng nyatana madaddhi kabadha’an sokma tor padan  bannya’ pangatero senneng. Sadriman nganggap ja’ aba’ na ta’ bakal odi’ namon andi’ sepat momos,sengka,tor ta’ bajeng alokoh. daddhi aba’ na kotu aloko ka kotta sopaja pada bi’ tatanggana se laen

Kalakku’anna sadriman ngoca’ kabinina jha’alakowa “le” engko’ ta’ pera’ ju’toju’a, ngabas tatanga pon padha sogi kappi,engko’ tolos alakowa ka kotta” kalaban soara bhak tengghi. Lantes bininah masenga’ “ja’ sampe takabbur kar’ja’ saongunah kasennangan edhunnya paneka kun sakeja’. Tape namong kasenangan e akhirat nika saterossa

Sadriman la kadung tetep dha’ peleanna ta’ kenning otek paku, pakkhun alakowa dha’ ka kotta, amarga ngabas tatanggana pon padha sogi satejha

Angen ngasower dhateng temor ngebha abunah tanah se kerreng amarga nemor la kadung abit, butombuwen laju mate. Sadriman ampon la kes rengkes kalambina se ekibe’e ka kotta. Tape santini, binina  sadriman sossa padha bedha, polana lakena alakowa ka kotta karna pangatero nabhang dhunya ataba kasogiyen, ataena santini nolak kasennengan nika, oreng senneng benni polana bennyak dhunyana tape namong beremma atena manossa nika bias asokkor tor narema dha’ katetepna guste pangerana

Pokol satenga bellu’korang sadriman kalowar dhari romana, kalabhan neat terro ngelangnggina malaratta ka odi’en” le’ sengko’ mangkatta, assalamu’alaikum”.santini ajeweb kalabhan ate sossa”engghi pon kak, senga’ te ngate” santini ngabes ka lakena , se mangkat eater bi’ tatanggana se andi’ sapeda motor ka terminal

***

Are ahad teppa’ pokol sanga’ santini mole dhari teggalla, pellona ngalecer dhari dhaina amarga , are ngello’ ce’ pannassa pekkerna santini ngappher kalakena se bhadha kotta, ampon pettong bulan lakena se alako ka kotta, sobong kaber dhari lakena, santini tak taoh  ka odhi’na lakena edissa, santini kun pera’ bisa nyo’on dha’ se kobhassa sopaja lakena aparengge kasalamettan tor kalapangan ateh ngadhappi ka odi’en ekotta

Tambe are ,bulan tor tahon jugan agante, atena arassa sossa amarga katon bhadha se elang tor kurang dhalem odi’na, posing ta’ bisa epaelang

“ ya guste, abdina nyo’on petolong  sopaja kloarga abdina e jauwagi dhari sateja musiba.tor kak sadriman se alokoh ka kotta, ya guste, nyopre pasalamettagi edhunya tor kantos e akhirat” aeng matana santini nyapcap tak e gerassa,matana mender atena sossa tor posing

Pokol sapolo malam santini jhaga dhari tedunga ,amarga  kopinga ngeding monyena tok-tokka labhang dhari loar. Santini ajhalen mokka labhanga, sa ampona ebukka ,matana santini mancoreng tak akettep ngabassagi oreng se bhadha eadha’na. sadriman lakena manjhang e bhang labhaang kalabhan mesem. Atena santini bunga talebhat bunga akanta pangantan anyar , amarga abe’na la ce’ abitta ta’ atemmo bi’ lakena

Are moncar dari temor amarga ondhamma akantta emmas e capo’senarra are. Sadriman kaloar dhari romana, aba’na samangken arassa sukses tetthi oreng se bannya’ dhunnyana. Tape sandriman sapphan are bhanni bhannya’ asokkor tape atabha sombong tor masossa oreng-oreng kalabhan mabudu’ pesse

E settong bhakto, bhadha oreng se entar ka romana sadriman  kaangui ngenjemma pesse.”Assamu’alaikum” oca’na oreng se ngenjemma pesse”wa’alaikum salam, bhadha  napa ghi pak?oca’na sandriman”ano kadissa, abtina terro ngejjemma pesse kadissa” sa ampona la ebharri’ ngnjjem pesse bi’ sadriman ,kalabhan oca’ kalangkong oreng ganika lajhu lansung mole kabengkuna

Sa ampona olle pan bharempan are sadriman entar kan romana oreng se pen bila ngenjem pessena

”kak, eka’dimma pessena empeyang, ma’ ta’ tuli majhar,otanga”kalabhan matengi soarana sardriman acaca

”enggi, anika le’,pessen”sambi nyuluwagi pesse se bhadha etanga

“ma’, khun sapanika “oca’na sadriman pole

“engghi, kan abtina coma ngenjem sa ganika”

“empeyan du bulan ta’ majar otanga,tethi empeyan kodhu majer lebbi”oreng se ngenjem lansung ta kerjet ngeding oca’na sadriman

Sapphan arena sadriman kun pera’sibuk ma budu’(riba) pesse,kalabhan epangenjem ka oreng,tor jugan kotu majher lebbi dari se epaenjem.”ambu kak, je lakoh mabudu’ pesse ganika kalokuwan ta’ bhander ganika riba”tape sadriman ta’ perna ngedeppi dha’  oca’na binina

***

Esettong katetthiyen eromana sadriman ecapok musiba, romana ekeco’ maleng. Sateja pessena tor emmassa elang ekala’ maleng. Atenah sadriman posing,cetakka nyo’nyo’,pekerna ngalengsang, amarga odi’na akaton tade’ kunana

Sa ampona katethiiyan ganika, sadriman sake’ ecapo’ panyaket bhan tadha’ oreng se nyapotta kabhadha’enna sadriman se bhadha eromana. Santini binina, kun pera’ bisa nangis bile ngabhas lakena tedung ta’ bisa jhakha eattas katedungenna

“santini” oca’na sadriman “senggko’ nyo’onna sapora le’, sengko la bhanya’ sala ka ba’na kalabhan ta’ pernah ngeding bebulenganna ba’na”kalabhan aeng mata aghili

“engghi kak”binina laju nangis

Sadriman enga’ ce’ saongguna oreng banyha’ dhunnyana paneka paparenga dhari se kobassa supaja bhannyak asokkor tor mabhanya’ asateka. Kasennengan oreng paneka benni polana bhanya’ dhunnyana, tape oreng se bisa iklas tor narema kabhadha’en, tor bannyak asokkor  dha’ se kobassa.

Trinspirasi dari karya Emha Ainun Najib (Surat Kepada Kanjeng Nabi)

Oleh : Ari nofendi asal kambingan barat Lenteng sumenep pernah sekolah di SMPIT Nurul Islah as-syafi’iyah sera barat. Dan sekaran nyantri PP Nurul Islam karangcepaka bluto sumenep kelas XII jurusan IPA